Eusebio Leal Fábregas, un mozo de Salceda de Caselas que con tan so 12 anos de idade resulta gañador do concurso ao mellor periodista xuvenil da Voz de Galicia. A súa entrevista protagonizouna Aid, unha rapeira de Vigo, coñecida en case todo Galicia e máis aló. Arrasou con máis de 4.600 traballos que se entregaron dende o resto de Galicia. 
Noraboa!!!
Máis información 


Aquí deixo a súa entrevista.

 ‘O RAP É O XEITO DE EXPRESAR O QUE ME QUEIMA POR DENTRO’

Aida Alonso Iglesias, estudante e rapeira.

Aid Alonso Iglesias (Aíd) é unha rapeira viguesa que sen ter a mayoría de idade xa escribía rap. A parte do rap tamén estuda na Universidade de Vigo e é locutora de radio en Radio Piratona. Gañou premios como:

2008- Gañadora do festival Heiniken Greenspace en Valencia.

2009- ‘Boogie Vigo’ é portada Itunes como single Latino de La Semana.

2009- Artista do mes en Ones To Watch.

2010- Gañadora de Marcate un Squares de Kellogs.

1- Como empezaches? Alá polo 2003 aos 13 anos houbo un boom mediático onde coñecín a cultura hip hop. Gustábame escribir poesía e pintar e encantoume o que vin nesa nova cultura.

2- Que ou quen te empuxou a compor cancións? Era un xeito de expresar o que me queimaba por dentro, e o segue sendo a día de hoxe, un xeito de contar a miña vida, as miñas preocupacións, nun folio, ou diante dun micro.

3- Una frase motivadora: O cravo que sobresae sempre recibe un martelazo, así que hai que saber recibir martielazos con naturalidade.

4- Que sentiches cando subiches a un escenario por primeira vez? Un pouco de medo e moitísima ilusión.

5- Gañaste a vida co RAP? Estou estudando, e coma sempre digo, non vivo da música pero morrería por ela!

6- RAP e HIP-HOP, cal é a diferenza? O hip hop é unha cultura que comprende varios elementos: grafiti, breakdance, djing e mcing. O rap é a parte musical do hip hop.

7- Sobre que temas prefires compor as cancións? Escribo o que me pasa pola cabeza, normalmente ou protesto por algo, ou falo das miñas inquedanzas, ou simplemente estou feliz e o canto.

8- Cal é o mellor consello que che deron? Mantén a cabeciña no seu sitio.

9- Cal é o teu soño? Poder chegar a compatibilizar a profesión que estudo coa música.

10- Que opinas dos que din que os rapeiros son agresivos? É a imaxe que cobre ao mundo do rap por culpa do descoñecemento social. O rap é un medio de expresión, onde cada compositor describe a súa vida. A día de hoxe o rap está desvinculado completamente dos barrios marxinais e calquera pode contar a súa vida, sexa unha vida de rúa ou sexa un neno dun barrio rico.

11- Cal foi o premio que máis te ilusionou gañar? O Heineken Greenspace en Valencia foi a lembranza máis crara que teño. Foron dous días incribeis e nunca o esquecerei.

12- Cal de tódalas cancións túas che gusta máis? Haha. Iso é dificil de contestar, non creo que teña criterio... quédome con ‘Boogie Vigo’ porque nomeo a miña cidade.

Lucía Leal Fábregas